Alcibiade ritorna ad Atene

Vota

Currently 0.00/5 1 2 3 4 5

Media: 0.0/5 (0 voti)

       

Thrasibulo, Therameni et Alcibiadi cum obviam universa civitas in Piraeum descendisset, tanta fuit omnium exspectatio visendi Alcibiadis, ut ad eius triremem vulgus conflueret, proinde ac si solus advenisset. Populus enim putabat et adversas superiores et praesentes secundas res accidisse eius opera. Itaque et Siciliae amissum et Lacedaemoniorum victorias culpae suae Athenienses tribuebant, quod talem virum e civitate expulerant. Nam postquam exercitui praeesse coeperat, neque terra neque mari hostes pares esse potuerant. Alcibiades ut e navi egressus est, quamquam Theramenes et Thrasybulus eisdem rebus praefuerant simulque venerant in Piraeum, tamen unum omnes illum prosequebantur, et, id quod numquam antea usu venerat nisi Olympiae victoribus, coronas aureas aeneasque donabant. Ille lacrimans talem benivolentiam civium suorum accipiebat, memor pristini temporis acerbitatis.

Attenzione!!! Area riservata ai soli iscritti L'iscrizione è gratuita, se non sei già iscritto registrati Se sei già iscritto effettua il login Nome utente:  Password: