Apollo

Vota

Currently 0.00/5 1 2 3 4 5

Media: 0.0/5 (0 voti)

       

Deo Apollini Iuppiter genitor est, Diana soror. Sub eius praesidio multae Graeciae Asiaeque regiones erant. Apollo toto orbe terrarum multis nominibus appellabatur: Delphis cognominabatur Pythius, in insula Lesbo Cyllenius, in Asia apud Troiam Smintheus, apud Lycos Lycius dicebatur. Per Apollinem poetae armina componebant, vates et Sibyllae futura praedicebant. Fama Apollinis oraculi Delphis magna erat; Aeneas, cum Italiam pervenit, Sibyllam Cumanam consulit. Graeci autem Apollinem inventorem medicinae existimabant: eius filius Aesculapius, quia herbarum potentia morbos depellebat et homines sanabat, deus opifer dicebatur. Apollinis sagittae certae erant: his armis non solum feras in silvis, sed etiam homines impios necabat. Apollini inter arbores laurus sacra erat: athletae ludorum victores, clari poetae, magni duces coronis laureis tempora cingebant. Inter aves autem deus garrulam cornicem diligebat.

Attenzione!!! Area riservata ai soli iscritti L'iscrizione è gratuita, se non sei già iscritto registrati Se sei già iscritto effettua il login Nome utente:  Password: