Non è lecito bastonare i fanciulli

Vota

Currently 4.00/5 1 2 3 4 5

Media: 4.0/5 (1 voto)

       

Caedi vero discentes, quamlibet et receptum sit et Chrysippus non improbet, ‘minime velim. Primum, quia deforme atque senile est et certe, (quod convenit, si aetatem mutes), iniuria est; deinde, quod, si cui tam est mens illiberalis, ut obiurgatione non corrigatur, is etiam ad plagas ut pessima quaeque mancipia du­rabitur: postremo, quod ne opus erit quidem hac castigatione, si assiduus studiox-um exactor astiterit. Nunc fere negligentia paedagogorum sic emendari vi­detur, ut pueri no~ facere, quae recta sunt, cogantur sed tur non fecerint puniantur. Denique cum parvu­lum verberibus coegeris, quid iuveni facias, cui nec adhiberi potest hic metus et maiora discenda sunt? Adde, quod multa vapulantibus dictu deformia et mox verecundiae futura saepe dolore vel metu acciderunt, qui pudor ‘frangit animum et abicit atque ipsius lucis fugam et taedium dictat. Iam si minor in eligendis custodum vel praeceptorum moribus fuit cura, pudet dicere, in quae probra nefandi homines isto caedendi iure abutantur, quam det aliis quoque nonnunquam occasionem hic miserorum metus. Non morabor in parte hac; nimium est quod intelligitur. Quare hoc dixisse satis est; in aetatem infirmam et iniuriae obnoxiam nemini debet nimium licere.