Tra modi di sposarsi (Gaio)

Vota

Currently 0.00/5 1 2 3 4 5

Media: 0.0/5 (0 voti)

       

Nunc de personis videbimus, quae in manu nostra sunt. Quod ius proprium civium Romanorum est. Sed in potestate quidem et masculi et feminae sunt; in manum autem feminae tantum conveniunt. Olim itaque tribus modis in manum conveniebant: usu, farreo, coemptione. Femina usu in manum conveniebat, quae anno continuo nupta perseverabat; quia enim velut annua possessione usucapiebatur, in familiam viri veniebat filiaeque locum optinebat. Farreo in manum conveniunt per genus sacrificii, quod Iovi Farreo est; in quo farreus panis adhibetur, unde etiam confarreatio dicitur; complura praeterea cum certis et sollemnibus verbis coram decem testibus aguntur. Coemptione vero in manum conveniunt per mancipationem, id est per imaginariam venditionem: nam cum V testibus civibus Romanis puberibus, item libripende, emit vir mulierem, cuius in manum convenit.

Attenzione!!! Area riservata ai soli iscritti L'iscrizione è gratuita, se non sei già iscritto registrati Se sei già iscritto effettua il login Nome utente:  Password: