Un sogno profetico

Vota

Currently 0.00/5 1 2 3 4 5

Media: 0.0/5 (0 voti)

       

Pharao, Aegyptiorum rex, somnium habuit: Nilo flumini adstabat et ecce de flumine septem vaccae pingues emergebant, deinde septem aliae vaccae macilentae et priores voraverunt. Miratus Pharao tamen rursus obdormiit et al­terum habuit somnium. Septem spicae plenae stabant in uno culmo, aliaeque totidem exiles succrescebant et spicas plenas consumebant.

Ubi illuxit Pharao perturbatus omnes Aegypti sapientes convocavit. At adulescens Joseph Hebraeus somnium explicavit: « Duplex - inquit - somnium unam rem significat: septem vaccae pingues et septem spicae plenae sunt sep­tem anni ubertatis mox venturae, septem vero macilentae vaccae et septem spicae exiles sunt totidem anni famis secuturae ». Itaque Pharao adulescentem sapientem laudavit et frugum partem in horreis publicis recondidit servavitque in subsidium famis secuturae.

Libero adattamento dalla Vulgata, Genesis