Titolo: Lo schieramento degli eserciti persiano e macedone
Autore:
Libro: Expedite 2 pagina 57
Inizio brano: Acies Darei sic instructa erat: Nabarzanes, regis dux, equitatu et magno funditorum sagittariorumque numero dextrum cornu tegebat.
Fine brano: Thraces quoque et Cretenses ante agmen ibant, et ipsi leviter armati.
Acies Darei sic instructa erat: Nabarzanes, regis dux, equitatu et magno funditorum sagittariorumque numero dextrum cornu tegebat. In eodem cornu Thymodes erat, dux peditatus Graqecorum, militum mercennariorum. Hoc erat sine dubio robur exercitus, par Macedonicae phalangi. In laevo cornu Aristomedes Thessalus multitudinem barbarorum peditum habebat. Ipsum regem, in eodem cornu cum plurimis peditibus dimicaturum, equites delecti defendebant. Ibidem et Hyrcani et Medi equites erant. Totum agmen iaculatores funditoresque antecedebant. Persarum copiae omnia loca a monte usuque ad mare impleverant. Uxor materque regis cum aliis feminis in medio agmine collocatae erant.
Alexander in fronte phalangem, aciem omnium Macedonum validissimam, constituit; in dextro cornu Nicanor, Parmenionis filius, erat, cum militibus Macedonibus et Thessalis, in laevo Craterus et Prmenio cum Peloponnesiis. Ante aciem Alexander posuerat funditorum sagittariorumque manum. Thraces quoque et Cretenses ante agmen ibant, et ipsi leviter armati.
Grazie anticipate per chi riesce a tradurla...
