i cibi che provocano stitichezza

[Studentexamodello(sese)92]

Alvum adstringit panis ex siligine, magis si sine fermento est; magis etiam si ustus est; intenditurque vis eius etiam si bis coquitur; pulticula vel ex alica, vel ex panico, vel ex milio; itemque ex iisdem sorbitio; et magis si haec antea fricta sunt; lenticula, cui vel beta, vel intubus adiecta est; magisque etiam si illa ante fricta est: minuta olera, brassica bis decocta; dura ova, magisque si assa sunt; minutae aves, merula, palumbus; grus, omnes aves quae magis currunt quam volant; caseus, qui vehementior vetustate fit; aut si recens est, ex melle mulsove decoctus; item mel coctum, pira immatura, sorba, mala cotonea et punica, oleae vel albae vel permaturae, myrta, palmulae, vinum resinatum, vel asperum, item meracum, acetum, mulsum quod inferbuit; item defrutum, passum, aqua vel tepida vel praefrigida, dura, id est ea quae tarde putescit; ideoque pluvia potissimum: omnia dura, austera, aspera, tosta.


grazie in anticipo..

[dyd666]

mi dispiace ma non l'ho trovata